Blog

Fin de ano: reflexións sobre a participación no proxecto ApS 2023

Sen dúbida, a participación no proxecto APS foi unha experiencia enriquecedora para todos os participantes. Debido a que adquirimos unha aprendizaxe, en materia turística, beneficioso para a nosa vida, tanto laboral como persoal.

Desafortunadamente, as persoas discapacitadas non gozan dunha situación idónea en relación co turismo. Por tanto, é esencial que tanto as administracións públicas como as empresas privadas comprométanse a mellorar os servizos ofrecidos, garantindo que a información turística sexa accesible para todos e que as actividades se adapten para satisfacer as necesidades de todas as persoas. Ademais, fomentar a sensibilización e a formación do persoal no sector turístico pode contribuír significativamente a crear contornas máis inclusivas.

As institucións tanto públicas como privadas teñen un rol importante para que teñamos unha sociedade plenamente accesible, dado que pode adaptar as instalacións e facer práctica de boas formas para poder servir a este segmento que moitas veces cae no esquecemento. Ademais dos beneficios que poida xerar, o turismo é un dereito cidadán que todos e todas debemos respectar.

Entre as discapacidades, a través da realización deste traballo e a información recompilada para o seu desenvolvemento, descubrimos que a discapacidade física é a que ten menos barreiras respecto das demais. Este feito é debido a que conta cun maior número de usuarios afectados. Ademais, constatamos que as persoas con discapacidades xa sexan sensoriais ou psíquicas, enfrontan obstáculos considerables no ámbito turístico. A falta de información clara e accesible, así como a ausencia de actividades adaptadas, dificultan a súa participación plena nas experiencias turísticas.

A medida que celebramos os avances logrados en relación ás barreiras estruturais (arquitectónicas, urbanísticas e de transporte principalmente), é fundamental traballar de maneira colaborativa para estender eses éxitos a outras áreas, mellorando así a calidade de vida de máis persoas. A diversidade de capacidades non debería ser un obstáculo para gozar plenamente das riquezas turísticas que o país ten para ofrecer.

Por último, debemos destacar o traballo continuo e positivo da ONCE para axudar ás persoas que presentan discapacidades visuais. Neste sentido, confiamos en que o compromiso continuo da sociedade e as institucións achegaranos a un futuro no que o turismo sexa verdadeiramente inclusivo e accesible para todos.