Blog

E eu, podo ir?

Milleiros de persoas vense privadas de acceder e gozar das instalacións públicas destinadas á cultura e ao turismo, xa que padecen algunha discapacidade que lles impide desfrutar dos recursos turísticos públicos ou moverse neles.

Imaxinémonos por un momento que, por primeira vez, chega á túa cidade a exposición de arte do teu pintor favorito. Agardas con moita ansia o día do estreo e achégaste ás portas do museo cando te decatas de que non podes acceder con facilidade, que o persoal do museo recoméndache que volvas a casa, o motivo, a instalación non está adaptada para recibir a todos os públicos, entre eles as persoas con discapacidade física.

Infelizmente, en moitos lugares, isto e a realidade diaria. Conforme ao artigo 16 da LEI 10/2014, do 3 de decembro, de accesibilidade de Galicia, os edificios públicos serán adaptados para garantir o acceso de todas as persoas, independentemente da súa condición, pois resulta fundamental que o dereito universal á cultura e á cidadanía sexa respectado polas administracións públicas. Xeralmente, na maior parte dos casos son pequenas adaptacións como a instalación dunha rampla para axudar ao acceso, a creación de máis prazas de aparcamento habilitadas ou paneis informativos que teñan información en braille. O papel que as novas tecnoloxías poden desenvolver é chave xa que son ferramentas que axudan a reducir as dificultades de interacción.

Asemade, esta situación está moi presente nas nosas cidades é a falta de inclusión social das persoas con diversidade funcional é unha realidade presente. Seguindo co exemplo comentado anteriormente, conseguimos acceder ao museo, pero ao chegar á exposición non hai un espazo sensorial no que poidamos interactuar coa obra, o que dificulta a comprensión e fai que a experiencia sexa negativa ou ben non hai ninguén que nos poida axudar a localizar nosos acentos e acompañarnos na exposición.

Ademais, a formación do persoal público dedicado ao turismo é primordial para que os profesionais saiban identificar os diferentes tipos de discapacidades e como ofrecer axuda de maneira respectuosa e afectiva, pois estes sempre deben ser lugares nos que os cidadáns, independentemente da súa condición, se sintan iguais. Para isto, un espazo accesible é un beneficio para todos, porque ademais de ofrecer unha experiencia pracenteira, pode axudar a outros colectivos da nosa poboación, como as persoas maiores, persoas con mobilidade reducida ou os pais que leven carros de bebé.

Autor: Gabriel Folgoso Capelo

 

Referencias Bibliográficas

LEI 10/2014, do 3 de decembro, de accesibilidade de Galicia

Freepic.es: Véxase no enlace https://www.freepik.es/foto-gratis/hombre-discapacitado-tiro-completo-playa_11401578.htm#query=discapacidad&position=28&from_view=keyword&track=sph&uuid=22c77abf-ac18-4a3c-8844-42bea6fb212b

Fonte da imaxe: Freepic.es